Ordførarens veke 5
Her får du ein liten oversikt over Ordførarens møteplan og nokre av sakene han skal jobbe med denne veka.
Måndag 1. februar
Forhandlingsmøte kommunereform på Gaustablikk med kommunane Hjartdal, Notodden og Sauherad. Dette er ein del av kommunereformprosessen for å sjå om ein kan kome fram til ein intensjonsavtale.
Tysdag 2. februar
Forhandlingsmøte kommunereform på Gaustablikk med kommunane Hjartdal, Notodden og Sauherad fortsett.
Byregionsamling på Gardermoen. Dette er ein samling for eit byregionsprogram som Seljord har blitt invitert med i. Hovudfokus for dette byregionsprogrammet og samlinga er å få til ny utvikling i kommunen.
Onsdag 3. februar
Byregionsamling på Gardermoen fortsett.
Møte med Vefall Grendelag. Det er viktig med ein god dialog med frivillige lag, og derfor er slike informasjons- og dialogmøte som dette viktige.
Torsdag 4. februar
Møte med Ordførarane i Kviteseid og Nissedal for vidare framdrift med intensjonsavtala.
Vest-Telemark konferansen i Vrådal. Eit årleg samlingspunkt for å knytte kontaktar og bidra til felles utvikling i Vest-Telemark.
Fredag 5. februar
Ordførarmøte i Langesund for å diskutere aktuelle politiske saker i Telemark.
Møte i Syskina Tvingelids legat for utdeling av midlar. Er som Ordførar medlem av legatstyret.
Samling for Seljord AP.